الرئيسية
السلام عليكم عاود جيتكم لكن يديا عامرين عارفة شنوا دايرة فيكم الكرش لي شكلها تيخرج العقل او تتكون تاي غزالة لكن الكرش اوووووو نقولكم ر لي مخلي فصالتي غزالة او بلا كرش واخا كلشي كاين هي لا هههههه
اولا هاد الوصفة تتبين نتائج مدهلة او رائعة او بانوا فالحالات لي عندي كاملين عندهم هاد المشكل شكروها بزاف لكن الغلط الكبير هو دهن بالوصفة او تبدا تبان ليك النتيجة تفرحي او تنوضي فرحتك تديك لكوزينة توجدي شي قصرية تلكسكسو ههههههه او نفخي لي تفش عاود لا غتبعيها او تولي تاكلي دانون فالعشاء تنقصي الخبازات او تحركي شوية المهم هي راه تتنبين نتيجة مزيانة من الاسبوع الاول نبداو
المقادير
خل تفاح + زبد البحر+سكنجبير
الطريقة غتطحن نص كاس سكنجبير او كاس زبد البحر او لا لسان البحر راه موجود عند العطار بنفس الاسم او غتديريهم فشي حاجة غارقة لانهم تيفوروا فحال شي فوار تكبي عليهم زوج كيسان خل تفاح او تخليهم حتى يكملوا الفوران متاعهم او تاخدي الوصفة تدهني منها بليل او ديري فياليمونيتر تلكوزينة او تغسليها صباح دوزي شوية تثلج على كرشك واخا بارد ههههه او عاود دهني بالوصفة او ديري ميكة او لا الفيلاليمونتير تيجمد على اللحم او متيبقاش يخرشش فحال ميكة او هاكا تبقاي مع الوصفة حتى يدوز اسبوع شوفي راسك راه كرشك وليتي تتحكمي فيها تجمعيها او دخلات او باين الفرق واضح او بقاي تستعمليها حتى توصلي للحد لي بغيتي
هادي وصفة خارجية او هادي استعمال داخلي ديريهم بزوج باش تحصلي على نتيجة بسرعة
المقادير سكنجبير اخضر الحامض او خل التفاح او كاس ماء
الطريقة حكي السكنجبير فالحكاكة جهد زوج معالق صغار مع زوج معالق حامض او خل من الاحسن الحامض او كاس ماء غليه شوية خليه حتى يبرد صفيه او شربيه بليل او بنهار صبري للمداق على ود البطن الرائعة هههه او نزيدكم الوصفة الاولى تدار لاي مكان بغيتيه يدخل
يالله نتمنى نكون فدتكم او نتظر دعائكم الطي
