السلام عليكم البنات واش لاباس عليكم هأنا جيت وجبت ليكم قويلبات تصنعوهم بيدكم للغلظ لاطاي وفنفس الوقت دواء للنساء لي تعاني من البرودة واوجاع الظهر
غادي تمشي يالالة عند العطار وتاخدي 2 دراهم حب رشاد 2دراهم الشيح 2دراهم ليازير 2 دراهم خزامة 1كوزة و التمر معجون والفانيد ديال الشهية لي بغيتي ماعندي شي نوع محدد وبكية من قويلبات ايدول هادو اختياري لي بغات تغلاظ بالزربة تاتشديهم وديريهم فبلاستيك ودوبيهم فالماء
غادي تاخدي الاعشاب و تسخنيهم فمقلة و طحنيهم وتغربليهم مع اضافة الفانيد ديال الشهية وتخلطيهم مع التمر لي تكوني من قبل فورتيه فالكسكاس ماعدا حب رشاد تخليه صحيح ما طحنيهش ويجمع بزيت العود ومن بعد من تجمع ليك العجين تبداي تكوري كويرات صغار فقد القويلب و مرمديهم فحب رشاد وتستفيهم فشي بلاتو حتى تسالي وخودي البلاتو وحطيه فالظل حتى ينشفو اقصاحو شوية و جمعيهم فشي قرعة نتاع الكونفتير وبداي كل ليلة ديري واحد غير قبل ما ديريه دهنيه بالزيت باش ما يسبب ليك شي حساسية
نصيحة: هاد القويلبات راهم سخان بزاف النساء لي مزوجات راه اقدرو احملو واخة تاخد كينة لمنع الحمل ويلة بديتي تستعمليهم نصحكم باش تلبسو مزيان ومادوشوش بالماء البارد وماتشربوش السوائل الباردة باش مايرجعوش عليك بالضد الى كنتي ما غادي ديري بهاد النصائح نصحك ماديريهم بالنسبة للنساء لي مبغاش تغلاظ بغات غير داوي راسها من البرودة ديري هاد الوصفة مع ازالة الفانيد هادي هي الوصفة باش كلشي الصحراويات غلاضات هههه الى بغيتو وصفة للزيادة فالوزن الجسم كامل انا موجودة كتبو لي بالصحة والراحة حبيباتي